96 · Los panes bendecidos

ⲛⲉⲣⲉⲟⲩϩ̇ⲗⲗⲟ ⲇⲉ ϣⲟⲟⲡ ϩ̇ⲛⲟⲩⲕⲉⲛⲟⲃⲓ̇ⲟⲛ ⲙⲛ̇ⲟⲩⲥⲟⲛ ⳾ ⲡ̇ϩ̇ⲗⲗⲟ ⲇⲉ ⲛⲉϥϯⲟ̇ⲉⲓ̇ⲕ ⲛⲟⲩ̇ⲟ̇ⲛ ⲛⲓ̇ⲙ ⲉⲧⲛⲏⲩ ⳾

Había un anciano que vivía en un cenobio con un hermano. El anciano daba pan a todo el que venía.^✦

ⲛ̇ⲧⲉⲣⲉⲡ̇ⲥⲟⲛ ⲇⲉ ⲛⲁⲩ ⲉ̇ⲡⲉⲧϣⲟⲟⲡ ⲡⲉϫⲁϥ ⲙ̇ⲡϩⲗⲗⲟ ϫⲉⲙⲁ ⲛⲁⲓ̇ ⲙ̇ⲡⲁⲟⲩⲱⲛ ϩⲛ̇ⲛⲟⲉⲓ̇ⲕ ⳾ ⲁⲩⲱ̇ ⲛ̇ⲑⲉ ⲉ̇ⲧⲉⲕⲟⲩⲱ̇ϣ ⲉ̇ⲁ̇ⲁⲥ ϩⲙⲡⲉⲕⲟⲩⲱⲛ ⲁ̇ⲣⲓⲥ ·ⲻ

Cuando el hermano vio lo que sucedía, dijo al anciano: «Dame mi parte de los panes, y lo que quieras hacer con tu parte, hazlo».

ⲡϩⲗⲗⲟ ⲇⲉ ⲁ̇ϥⲡⲱϣ ⲛⲛⲟⲉⲓ̇ⲕ ⲉ̇ϫⲱϥ ⲙⲛ̇ⲡ̇ⲥ̇ⲟⲛ ⲁ̇ⲩⲱ̇ ⲟⲛ̇ ⲁ̇ϥⲙⲟⲩⲛ ⲉ̇ⲃⲟⲗ ⲉϥⲉⲓ̇ⲣⲉ ⲙ̇ⲡ̇ⲛⲁ ϩ̇ⲙⲡⲉϥⲟⲩⲱⲛ ⳾

El anciano repartió los panes entre él y el hermano, y siguió haciendo misericordia con su parte.

ⲛⲉⲣⲉϩⲁϩ ⲇⲉ ⲡⲏⲧ ⲉⲣⲁⲧϥ ⲙⲡϩⲗⲗⲟ ⲉ̇ⲁ̇ⲩⲥⲱⲧⲙ̇ ϫⲉϥϯ ⲛⲟⲩⲟⲛ ⲛⲓⲙ ⳾ ⲁ̇ϥⲛⲁⲩ ⲇⲉ ⲛϭⲓⲡ̇ⲛⲟⲩⲧⲉ ⲉⲡⲉϥⲟⲩⲣⲟⲧ ⲛ̇ϩⲏⲧ ⲁ̇ϥⲥⲙⲟⲩ ⲉⲛⲉϥⲟⲉⲓⲕ ⳾

Muchos acudían corriendo al anciano, porque habían oído que daba a todos. Y Dios vio la prontitud de su corazón y bendijo sus panes.

ⲡⲥⲟⲛ ⲇⲉ ⲁϥⲟⲩⲱ̇ⲙ ⲛ̇ⲛⲉϥⲟ̇ⲉⲓⲕ ⳾ ⲁ[ⲩⲱ] ⲡⲉϫⲁϥ ⲙⲡ̇ϩ̇ⲗⲗⲟ ϫⲉⲉⲡⲓⲇⲏ ⲟⲩⲛⲧⲁⲓ̇ ⲛ̇ϩⲛ̇ⲕⲉⲕⲟⲩⲓ̇ ⲛⲟⲉⲓ̇ⲕ ⳾ ϫⲓ̣ⲧ̣ ⲛⲁⲕ ⲟⲛ ⲛⲧⲛ̇ⲣ̇ⲕⲟⲓ̇ⲛⲱⲛⲓⲁ ⲡⲉϫⲁϥ ⲛⲁϥ ⲛϭⲓⲡϩⲗⲗⲟ ϫⲉ̇ⲛⲑⲉ ⲛ̇ⲧⲁⲕⲟⲩⲁ̇ϣⲥ ϯⲛⲁⲁⲁⲥ ⳾

El hermano, en cambio, se comió sus panes y dijo al anciano: «Puesto que todavía tengo unos pocos panes, tómame de nuevo y tengamos [todo] en común». El anciano le dijo: «Como tú quieras, lo haré».

ⲁⲩⲱ ⲟⲛ ⲁⲩⲙⲉϫⲧ̇ⲡⲉⲩⲱⲛⲁϩ ⲙⲛⲛⲉⲩⲉⲣⲏⲩ ·ⲻ ⲛⲧⲉⲣⲉⲡⲥⲏⲩ ⲇⲉ ϣⲱⲡⲉ ⲁⲩⲉⲓ̇ ⲛϭⲓ̇ⲛⲉⲧⲣⲭⲣⲓⲁ ⲛ̇ϫⲓⲁ̇ⲅⲁⲡⲏ ·ⲻ

Y volvieron a juntar su vida el uno con el otro. Cuando llegó el tiempo [de escasez], vinieron los necesitados a recibir caridad.

ⲁⲥϣⲱⲡⲉ ⲟ̇ⲛ ⲛⲟⲩϩⲟⲟⲩ ⲁϥⲉⲓ̇ ⲉ̇ϩⲟⲩⲛ ⲛ̇ϭⲓ̇ⲡ̇ⲥⲟⲛ ⲁ̇ϥⲛⲁⲩ ⲉ̇ⲛⲟⲉⲓ̇ⲕ ⲉ̇ⲁⲩⲥⲃⲟⲕ ⲁϥⲉⲓ̇ ⲇⲉ ⲛ̇ϭⲓ̇ⲟⲩⲥⲟⲛ ⲛ̇ϩⲏⲕⲉ ·

Sucedió un día que el hermano entró y vio que los panes habían disminuido; entonces llegó un hermano pobre.

ⲡⲉϫⲉⲡ̇ϩⲗⲗⲟ ϫⲉϯ ⲛⲁϥ ⲛ̇ϩⲛⲟ̇ⲉⲓ̇ⲕ ⳾ ⲛⲧⲟϥ ⲇⲉ ⲡⲉϫⲁϥ ϫⲉⲙ̇ⲛⲟⲩⲟⲛ ϣⲟⲟⲡ ⲁⲡⲁ ·ⲻ

El anciano dijo: «Dale unos panes». Él dijo: «No queda ninguno, abba».

ⲡⲉϫⲉ[ⲡϩⲗ]ⲗⲟ ⲛⲁϥ ϫ[ⲉ]ⲃⲱⲕ [ⲉϩⲟ]ⲩⲛ ⲁ̇ⲛⲁⲩ ·ⲻ

El anciano le dijo: «Entra y mira».

ⲡⲥⲟⲛ ⲇ[ⲉ] [ⲁ]ϥⲃⲱⲕ ⲉϩⲟⲩⲛ ⲁ̇ϥϭⲓⲛ[.] [ⲙ]ⲡⲙ̇ⲁ ⲛⲟⲩⲉϩⲟ̇ⲉⲓ̇ⲕ ⲉ[ϥⲙ]ⲉϩ ⲉ̇ⲃⲟⲗ ⲉⲣⲱϥ ⲛⲧⲉⲣⲉϥⲛⲁⲩ ⲇⲉ ⲉ̇ⲡⲁⲓ ⲁ̇ϥⲣ̇ϩⲟⲧⲉ ⳾

El hermano entró y encontró el granero lleno hasta la boca; al ver esto, tuvo miedo,

ⲁ̇ϥϯ ⲇⲉ ⲙ̇ⲡⲥⲟⲛ ⲛ̇ϩⲏⲕⲉ ⲻ ⲁⲩⲱ̇ ⲁ̇ϥⲛⲟⲓ̇ ⲛ̇ⲧ̇ⲡⲓ̇ⲥⲧⲓⲥ ⲙ̇ⲛⲧⲁⲣⲉⲧⲏ ⲙ̇ⲡ̇ϩ̇ⲗⲗⲟ ⳾ ⲁ̇ϥϯⲉ̇ⲟⲟⲩ ⲙ̇ⲡⲛⲟⲩⲧⲉ ⳾ⲻ

y dio [pan] al hermano pobre. Y comprendió la fe y la virtud del anciano, y glorificó a Dios.